New York şəhərində çalışan iki gənc assistent, demək olar ki, patronlarının həyatını xilas edir. Çox işləyib patronlarının bütün işlərini görən assistentlər bunun müqabilində olduqca az qazanır və bu vəziyyətə son qoymaq istəyirlər. Patronlarından yaxa qurtarmağa çalışan ikili bunun üçün onları tanış edib aralarında romantik münasibət yaratmağı planlaşdırır. Müxtəlif oyunlarla patronlarını bir araya gətirməyə çalışan assistentlər sonda məqsədlərinə çatır və onların sevgili olmasına nail olurlar. Bu proses assistentlərin bir-birini daha yaxından tanımasına səbəb olacaq.