Bəşəriyyətin gələcəyi onların əlində idi... Amma nə bir ssenariləri, nə bir rejissorları, nə də bir fikirləri vardı. Tam iyirmi il əvvəl dörd il müddətində televiziyada yayımlanan və o dövrün ən sevilən proqramlarından olan "Qalaktikanı Xilas Etmək" şousunun məşhur kosmik gəmisi NSEA Qoruyucu və onun qəhrəman heyəti - polkovnik Piter Kuinsi Taqart, leytenant Toni Medison və doktor Lazarus üçün serial yayından qaldırılanda çox kədərli anlar yaşanmışdı. Aradan iyirmi il keçir və hücuma məruz qalan yadplanetlilər televiziyada izlədikləri bu serialı bir sənədli film sanaraq, orada rol alan üç aktyoru öz yanlarına işınlayırlar. Onlardan istədikləri, sənədli filmdə izlədikləri kimi davranıb özlərinə hücum edən yad qüvvələri məğlub etmək, həm özlərini, həm də dünyamızı mümkün bir işğaldan və onun gətirəcəyi dəhşətli hadisələrdən xilas etməkdir. Üç aktyor isə nə edəcəklərini bilmədən özlərini inanılmaz bir macəranın içində tapırlar.