Yaxın gələcəkdə Şimali Amerika quraqlıq, ardınca isə yanğınlar və aclıq nəticəsində zəifləyərək çökmüş; yerini bir paytaxt və 12 əyalətdən ibarət Panem adlı bir ölkəyə vermişdir. Bu yeni ölkədə hər il əyalətlərdən püşkatma yolu ilə seçilən iki gəncin qatıldığı "Aclıq Oyunları" keçirilir. Qismən əyləncə xarakterli, qismən də xalqa gözdağı vermək məqsədi daşıyan bu oyunlar, həmçinin bütün Panem ölkəsində televiziyada canlı yayımlanır. 24 fərqli 'iştirakçı' bütün televiziya tamaşaçılarının gözü qarşısında rəqiblərini sıradan çıxarmaq və sağ qalmaq uğrunda mübarizə aparır.