Andrei Zayats

Andrei Zayats Rusiya Federasiyasının Rostov-na-Donu şəhərində anadan olub. Valideynləri ilə birlikdə Latviyanın Riqa şəhərinə köçüb və naturalizasiya yolu ilə Avropa İttifaqı vətəndaşlığı alıb. Andrei UK-yə köçməzdən əvvəl beş il Fransada yaşayıb və təhsil alıb. O, 2008-ci ildə Birmingham School of Acting-i bitirib. Hazırda UK-nin London şəhərində yaşayır. Andrei rus, ingilis, latış və fransız dillərində sərbəst danışır. O, kino, teatr, televiziya və səsləndirmə sahələrində çalışan aktyordur və EQUITY, BECTU, AFDAS üzvüdür. Andrei Zayats İtaliyanın Komo gölünün sahilində cərəyan edən Fransanın tarixi dramı “Madame Solario”da (CANAL+) Kovanski adlı ikinci dərəcəli baş rolu canlandırıb. Quruluşçu rejissor Rene Feret olub, ekran əsəri 2011-ci ilin avqust və sentyabr aylarında Fransa və İtaliyada çəkilib. 2011-ci ildə “X-Men: First Class” (FOX) filmində rus əsgəri, “Mercenaries”də (ABC Films) Dimitri adlı rus zabiti rollarında, 2010-cu ildə isə BBC-nin “Dani’s House” teleserialında rus şahmat çempionu Viktor Viktorious obrazında çıxış edib. Andrei British Academy of Stage and Screen Combat tərəfindən səhnə döyüşləri üzrə ixtisaslı müəllimdir və Society of American Fight Directors təşkilatının da üzvüdür.