Digər kişi modellər kimi, karyerasının sonuna gəlmiş Derek-in də beyni bədənindən qat-qat az inkişaf edib. Terrorçular üçün işləyən Katinka adlı gözəl bir qadın, Derek-in bu zəif beynini yuyaraq, onu Malayziya Baş nazirini öldürməyə məcbur edir. Vəziyyəti anlayan CIA isə Derek-in axmaqlığından istifadə etməyə qərar verincə, baş verənlərdən xəbərsiz olan qəhrəmanımız bir anda iki tərəfə işləyən bir casusa çevrilir. Ben Stiller-in yazdığı, rejissorluq etdiyi və baş rolda oynadığı bu komediya filminin əsas ideyası, Stiller-in 1996-cı ildə VH1 Moda Mükafatları mərasimi üçün hazırladığı bir eskizə əsaslanır. Adətən qadın modellərin zəka səviyyəsinin lağa qoyulduğunu nəzərə alsaq, ssenarinin bir kişi modelə fokuslanması belə başlı-başına maraqlıdır. Filmə Stiller-in real həyatdakı həyat yoldaşı Christine Taylor ilə yanaşı, atası Jerry Stiller də çəkilib. Yəni, ailəvi bir Stiller tufanı sizi gözləyir... Jon Voight və David Duchovny-nin iştirakı isə əlavə bir rəng qatır.