1916-cı il, Nyu-York... İrlandiyalı mühacir ailəsində dünyaya gələn Piter Leyk artıq bacarıqlı bir oğru kimi həyatını davam etdirmək məcburiyyətindədir. Soyğunçuluq üçün girdiyi evlərdən birində gözəl ev sahibi Beverli Penn ilə qarşılaşır və ilk baxışdan ona vurulur. Lakin onların sevgisi uzun sürmür; çünki Beverli bu hadisədən qısa müddət sonra dünyasını dəyişir. Beverlini bir an belə unuda bilməyən Piter, yaxın gələcəkdə yaşadığı fövqəltəbii bir hadisədən sonra özünü başqa bir zaman dilimində, kim olduğunu xatırlamadığı bir vəziyyətdə tapır. Üstəlik, o, ölüləri diriltmək kimi gizli bir gücə sahib olduğunu kəşf edir.