Kiçik bir balıqçı qəsəbəsində həkim işləyən Mett və məktəb xorunu idarə edən həyat yoldaşı Rutun universitet tələbəsi olan oğulları Frenklə birlikdə xoşbəxt bir həyatları var. Frenk qəsəbədə yaşayan, iki uşaq anası, dul Natali ilə eşq yaşamağa başlayır. Əvvəlcə bunun keçici bir həvəs olduğunu düşünən Mett və Rut, oğullarının Natali ucbatından təhsilini yarımçıq qoymaq qərarına gəlməsi ilə onu fikrindən daşındırmağa çalışırlar. Lakin Frenk qərarında israrlıdır. Natalinin problemli şəkildə ayrıldığı keçmiş əri Riçard, Frenki öz evində, hələ də arvadı olan Natali ilə birlikdə tapdıqda qəzəblənərək hücum edir və Frenki yaralayır. Beləliklə, Riçard və Frenk arasındakı düşmənçilik daha da kəskinləşir. İnsana özünü, insanlığını və dəyərlərini sorğuladan bir film. Baş rol oyunçularının ifaları ilə zənginləşən "In The Bedroom" səkkiz nominasiyada Oskar mükafatına namizəd göstərilmişdi.