80 yaşlarında təqaüdçü və ziyalı musiqi müəllimləri olan Georges və Anne, yaşlarının çox olmasına baxmayaraq, ömürlərinin qalan hissəsini hüzur və xoşbəxtlik içində keçirən bir cütlükdür. Özləri kimi musiqiçi olan qızları Eva, Avropada onlardan uzaqda ailəsi ilə yaşayır. Yaşlı cütlüyün sakit həyatı bir gün Anne-in keçirdiyi insult və nəticəsində iflic olması ilə alt-üst olur. Georges arvadına əlindən gəldiyi qədər yaxşı baxır, lakin onun da imkanları məhduddur. Üstəlik, Anne-in vəziyyəti getdikcə pisləşir. İndi illərlə davam edən evlilikləri bir daha sədaqət imtahanından keçəcək.