Pablo Schreiber

Pablo Tell Schreiber kanadalı-amerikalı aktyordur. O, daha çox səhnə fəaliyyəti və "The Wire" (2003, 2008) serialında Nick Sobotka, "Law & Order: Special Victims Unit" (2013–2014) serialında William Lewis, Starz kanalının "American Gods" (2017–2020) serialında Mad Sweeney və "Orange Is the New Black" (2013–2017) serialında canlandırdığı George "Pornstache" Mendez obrazları ilə tanınır. Məhz bu sonuncu rola görə o, "Dram serialında ən yaxşı qonaq aktyor" nominasiyasında "Primetime Emmy" mükafatına namizəd göstərilib. O, eyniadlı oyun franşizası əsasında çəkilmiş Paramount+ kanalının "Halo" (2022–2024) serialında Master Chief obrazını canlandırır.