Brenton Thwaites

Brenton Thwaites (10 avqust 1989-cu il təvəllüdlü) avstraliyalı aktyordur. Karyerasına 2011-ci ildə öz vətənində başlayan aktyor "Slide" serialında baş rolda çəkilib, daha sonra isə "Home and Away" operasında rol alıb. Birləşmiş Ştatlara köçdükdən sonra Thwaites "Blue Lagoon: The Awakening" (2012), "Oculus" (2013), "The Giver" (2014), "Gods of Egypt" (2016) və "Pirates of the Caribbean: Dead Men Tell No Tales" (2017) filmlərində əsas rolları ifa edib. O, 2018-2023-cü illər ərzində "DC Universe" / "HBO Max" istehsalı olan "Titans" serialında Dick Grayson / Robin / Nightwing obrazını canlandırıb.