Bir terrorçu tərəfindən gizlədilən üç atom bombası ABŞ-ın ən böyük qorxusuna çevrilir. Yerləri məlum olmayan bu bombaların işə düşməsinə iki gün qalmış, bir sorğu hakimi və FBI agenti silahları tapmaq üçün mübarizəyə başlayırlar. Film Yusuf adlı amerikalı müsəlmanın video müraciəti ilə start götürür. FBI xüsusi agenti Helen Brody və komandası xəbərlərdən Yusufun axtarışda olduğunu öyrənərək istintaqa başlayırlar. Xüsusi sorğu hakimi H, Yusufun videoda bəhs etdiyi nüvə bombalarının yerini öyrənmək üçün işə girişir və onu tapan kimi barmaqlarından birini kəsərək öz amansızlığını və qətiyyətini nümayiş etdirir. Beləliklə, Brody "yaxşı polis", H isə "pis polis" rolunu oynayır. Yusuf isə işgəncələrə dözümlü təlim keçmiş biri olduğu üçün susmağa davam edir. Hadisələrin arxasında daha dərin məqamlar gizlənir; film öz absurtluğunu sona qədər gizlədərək tamaşaçını gözlənilməz finalı ilə təəccübləndirməyi bacarır.