Daniel və cənab Miyaginin birlikdə qazandıqları turnirdən sonra baş verən hadisələr Danieli Miyaginin yanına köçməyə məcbur edir. Bu ərəfədə Okinavadan Miyagiyə atasının xəstə olması ilə bağlı məktub gəlir. Miyagi ora tək getmək istəsə də, Daniel kollec üçün yığdığı pulları xərcləyərək onu müşayiət edir. Okinavaya çatdıqda onları Miyaginin keçmiş ən yaxın dostu Sato düşmən münasibəti ilə qarşılayır. Miyagi və Sato Miyaginin atasından birlikdə dərs alıblar, lakin aralarına girən bir sevgi macərası onları düşmənə çevirib. Tomi kəndinə gəldikdə isə onları Yukie və onun bacısı qızı Kumiko qarşılayır. Miyaginin atası son nəfəsində iki tələbəsini barışdırmağa çalışır. Lakin Sato müəllimi ölən kimi Miyagiyə onunla üzləşməsi üçün üç gün vaxt verir. Danielin başı isə Satonun bacısı oğlu və ən az onun qədər qəddar olan Chozen ilə dərddədir.