Emily (Rooney Mara) və Martin (Channing Tatum) Nyu-Yorkda yüksək standartlarla yaşayan uğurlu bir cütlükdür. Bir gün Martin birja fırıldaqçılığına görə həbs olunur. Təbii ki, onların həyat səviyyəsi aşağı düşür və Emily Manhettendə kiçik bir mənzilə köçür. O, dörd il ərzində ərinin həbsdən çıxmasını gözləyir. Bu müddətdə ağır depressiyaya düşür. Emily-nin intihar cəhdindən sonra psixiatr Conatan Benks (Jude Law) onun müalicəsi üçün təyin olunur. Emily terapiya almağa və antidepressant dərmanlar qəbul etməyə razılaşır. Onun verdiyi bu qərarın həm öz həyatına, həm də ətrafındakı insanların həyatına necə təsir edəcəyindən isə xəbərsizdir.