Özünə çox güvənən, uğurlu vəkil Martin Vail bir yepiskopun qətlə yetirildiyi cinayət işində müttəhim kürsüsündə əyləşən və hadisə yerindən qaçarkən yaxalanan Aaronu müdafiə etməyə qərar verir. Medianın da diqqət mərkəzində olan bu iş, eyni zamanda bir sıra korrupsiya faktlarını da üzə çıxara bilər. İşin prokurorluğunu isə Martinin keçmiş sevgilisi icra edir. Martinin bu işi qazanması hüquq dairələrində mümkünsüz görünür. Şahidlərin otaqda üçüncü bir şəxsin olması ilə bağlı ziddiyyətli ifadələri işi daha da mürəkkəbləşdirir. Hüquq sistemini sorğulayan, "ədalət", "cinayətkar" və "məsum" anlayışlarının reallığını araşdıran və Edward Nortonun bu filmdəki performansı ilə bir çox filmin qapısını açan "İlk Qorxu" (Primal Fear) kino tarixinin ən yaxşı filmlərindən biridir.