Keçmiş Vietnam qazisi John Rambo, tərxis olunduqdan 7 il sonra piyada gəldiyi bir qəsəbədə bir az dincəlmək və yemək yemək istəyir. Lakin qəsəbənin şerifi Rambo-nu xoş qarşılamır və qəsəbədən getmək istəməyən Rambo-nu həbs edərək polis bölməsinə aparır. Bölmədə məruz qaldığı işgəncələr zamanı müharibədə yaşadıqlarını xatırlayan Rambo özünü itirir və qəsəbənin yaxınlığındakı meşəlik əraziyə qaçır. Arxasınca düşən təhlükəsizlik qüvvələrindən xilas olmaq üçün aldığı təlimi tətbiq etməkdən başqa çarəsi olmayan Rambo-nun keçmiş Yaşıl Beret olduğunu öyrənən polis qüvvələri isə onun keçmiş komandiri polkovnik Samuel Trautman-dan kömək istəyəcək.