Hellboy-u böyüdən atası Professor Trevor illər əvvəl insanlar və mistik varlıqlar arasında baş vermiş qədim müharibədən bəhs edən bir əfsanə danışır. Bu əfsanəyə görə, bir cin yalnız Elflər Kralı və onun nəslindən gələnlərin idarə edə biləcəyi bir ordu yaradır. Qızıl Ordunun törətdiyi qırğınların təkrarlanmaması üçün Kral Balor bir qərar qəbul edir: insanlar şəhərlərində, varlıqlar isə meşələrində yaşayacaqlar. Bunu qəbul etməyən oğlu Nuada krallığı tərk edir. Lakin günümüzdə geri dönərək Qızıl Ordunu yenidən diriltmək və bəşəriyyəti məhv etmək üçün hərəkətə keçir. Onu dayandırmaq isə Hellboy və komandasının vəzifəsidir.