V.C. Andrews-un eyni adlı mübahisəli kult əsəri əsasında çəkilmiş film, atalarının qəfil ölümündən sonra anaları Korrin tərəfindən nənə və babalarının malikanəsinə aparılan Dollanganger ailəsinin dörd uşağının dramından bəhs edir. Valideynləri ilə münasibətlərini düzəldib miras hüquqlarını bərpa etməyi planlaşdıran Korrin, bu müddət ərzində uşaqları göz önündən uzaq olmaları üçün malikanənin çardağında yaşamağa razı salır. Korrinin çardağa səfərləri Bartla evləndikdən sonra seyrəkləşir və uşaqların həyatı qəddar nənələri Oliviya-nın ağlasığmaz intizam üsulları ilə cəhənnəmə çevrilir. Zaman keçdikcə ailənin çirkli tarixi təkrarlanır və ən böyük iki uşaq Keti ilə Kristofer arasında emosional və fiziki yaxınlıq yaranmağa başlayır.