Mariachi, gitarı ilə şəhəri gəzən tənha bir gəncdir. Girdiyi barda barmendən musiqi çalmaq üçün icazə istəsə də, barın artıq öz orkestri olduğu üçün rədd cavabı alır və oranı tərk edir. Bir qədər sonra, gitar qabında gizlətdiyi avtomat silahla bara daxil olan başqa bir şəxs barmendən başqa hamını öldürür. Barmen öz patronuna zəng edərək qatili "qara geyimli, gitar qabı daşıyan adam" kimi təsvir edir və bu, Mariachinin səhvən günahkar bilinməsinə səbəb olur. Qaldığı oteldə işçilər tərəfindən polisə xəbər verilən Mariachi, onu təqib edən qanqsterlərdən qaçaraq başqa bir bara sığınır. Orada işləyən Dominoya 4 nəfəri öldürdüyünü deyən gənc, onun etibarını qazanır və Domino onu öz otağında gizlədir. Lakin Domino ilə işlədiyi barın sahibinin onu təqib edən dəstənin başçısı olduğunu öyrənən Mariachi, həm öz həyatını, həm də gənc qadını qorumaq üçün mübarizəyə başlayır.