2032-ci il, San Angeles. (Los Angeles-in ətrafındakı bir neçə şəhərlə birləşməsindən yaranıb.) Bir çox elmi-fantastik filmin əksinə olaraq, insanlar burada sülh içində yaşayırlar... odlu silahlar yalnız muzeylərdə olur, dava-dalaş yoxdur, avtomatlaşdırılmış sistemlər kobudluq edən hər kəsə dərhal cərimə yazır! Lakin işlər göründüyü kimi deyil. Seks, yemək-içmək kimi adi vərdişlərin qadağan olunduğu bu süni dünyanın arxasında təkbaşına hökmranlıq edən bir vali dayanır. Onun əmri ilə, üsyançıları yatırmaq üçün 1996-cı ildə "dondurulmuş" təhlükəli bir cinayətkar yenidən həyata qaytarılır. Polisin yeganə çıxış yolu isə həmin dövrdən qalma və yenə "buzlar içində" dondurulmuş John Spartan adlı polisi oyatmaqdır.