İl 1938. Hitler və Mussolini Romada təntənəli şəkildə görüşürlər. Şəhərdə həyat dayanır, insanlar bu tarixi hadisəyə şahidlik etmək üçün mərasim meydanına axışır. Çətin bir evlilik yaşayan evdar qadın Antonietta (Sophia Loren) da həmin gün əri və uşaqlarını mərasimə yola salır. Binada tək qaldığını düşündüyü bir vaxtda, özü kimi mərasimə qatılmayan Qabriele (Marcello Mastroianni) ilə tanış olur. Çox keçmədən Qabrielenin cinsi oriyentasiyası və antifaşist mövqeyinə görə işini itirdiyini öyrənir və özündən çox fərqli olan bu adama qarşı maraq duymağa başlayır. Qeyri-adi bir münasibət fonunda faşizmin olduqca uğurlu tənqidini edən "Özəl Bir Gün", italyan kinosunun iki məşhur aktyorunun unudulmaz ifası ilə yaddaşlara həkk olunur.