Qeyri-adi bir romantik komediya olan bu film, eşqin gerçək olduğuna inanmayan bir qadın və ona aşiq olan bir kişinin hekayəsindən bəhs edir. Tom Hansen, Summer Finn-in həyatından tamamilə çıxdığına əmin olduğu an, onunla tanış olduğu ilk günü xatırlayır. Tom qızı ilk gördüyü anda ona vurulur və ömrünün qalan hissəsini onunla keçirməli olduğunu anlayır. Lakin Summer nə eşqə, nə də ciddi münasibətlərə inanır. Buna baxmayaraq, aralarında dostluqdan daha dərin və fərqli bir bağ yaranır. Birlikdə keçirəcəkləri günlər qeyri-adi, əyləncəli və gülməli bir hekayəyə çevriləcək.