Amerikalı diplomat Robert Thorn, doğum zamanı körpəsini itirən həyat yoldaşının depressiyaya düşməməsi üçün, anası ölən başqa bir körpəni öz övladı ilə dəyişdirir. 5 il sonra Amerikanın İngiltərədəki baş konsulu olan Thornun həyatı, oğlu Damienin ətrafında baş verən dəhşətli hadisələr səbəbindən alt-üst olur. Tezliklə məlum olur ki, Damien müqəddəs kitablarda qiyamətin gəlişinə dair ən mühüm işarələrdən biridir və dərhal dayandırılmalıdır. Lakin fövqəltəbii qüvvələrin dəstəyini arxasına alan şər imperiyasının gələcək varisinin dayanmağa niyyəti yoxdur. Və qan su yerinə axmağa başlayır...