Filmin adsız qəhrəmanı hər zaman baxımlı və şıqdır. O, əsl peşəkardır. Kokaindən ekstaziyə qədər hər növ narkotik alverinə qarışsa da, əllərini təmiz saxlamağı bacarıb. İndiyədək polisə yaxalanmayıb və soyuqqanlılığını qoruyub. Artıq kiçik bir sərvəti var və cinayət aləmindən uzaq bir həyat sürməyə qərar verir. Lakin təqaüdə çıxmazdan əvvəl cinayətkar təşkilatçı Cimmi Praysın ona verdiyi son iki tapşırığı yerinə yetirməlidir... Birincisi: Qorxulu mafiya başçısı Eddi Templin yoxa çıxan narkoman qızının izinə düşmək. İkincisi: təhlükəli qanqster Dyuk ilə nəhəng bir ekstazi partiyasının daşınması üçün razılaşmaq. Amma işlər gözlənildiyi qədər rahat getmir... Bundan əvvəl "Qapışma" və "Alovdan qəlbə, ağıldan dumana" kimi səs-küylü filmlərin prodüseri olan ingilis Metyu Von bu ilk rejissorluq təcrübəsi ilə böyük rəğbət qazandı və ölkəsində ilin ən yaxşı rejissoru seçildi.