Ağ Evdən uzaqlaşmaq məcburiyyətində qaldıqdan sonra Richard Nixon tam üç il davam edən dərin bir sükuta qərq olur. 1977-ci ilin yayında Nixon bir televiziya aparıcısı ilə üz-üzə, “təkbətək” formatında keçiriləcək və canlı yayımlanacaq çox özəl bir müsahibə verməyə razılaşır. Öz ofisində baş tutacaq bu söhbətdə o, prezidentlik dövrünə son qoyan Watergate gizli dinləmə qalmaqalı ilə bağlı gələn bütün suallara istisnasız cavab verəcəyini bildirir. Təcrübəli siyasətçi Nixon bu müsahibə üçün o dövrdə hələ çaylak hesab olunan ingilis aparıcı David Frostu seçərək hamını təəccübləndirir. Məqsədi öhdəsindən gələ biləcəyini düşündüyü bu təcrübəsiz jurnalisti məğlub edərək, amerikalıların gözündə özünü təmizə çıxarmaqdır.