Prison Break

Michael Scofield internet vasitəsilə bir bankı soyur və polislərin gəlib onu tutmasını gözləyir. Vəkil Veronica Donovan-ın bütün cəhdlərinə baxmayaraq, Michael soyğunla bağlı heç bir açıqlama vermir. Hakim, Michael-ı Wallens Ridge Dövlət Həbsxanasına göndərir. Michael-ın əsas məqsədi günahsız olduğu halda tələyə salınaraq ölüm cəzasına məhkum edilən qardaşının həbsxanadan qaçmasına kömək etməkdir.

Həbsxanada irqçi gərginlik gizli şəkildə artarkən, Veronica Lincoln-un işini araşdırmağa davam edir. Bu arada Sara, Michael-ı şəkərli diabet testi üçün çağırır. Michael, C-Note-dan qan şəkərini tənzimləyəcək həbləri təmin etməsini istəyir. Testin nəticəsinin müsbət çıxmasını təmin edərək qaçış planı üçün bir çıxış yolu saxlamağı düşünür.

Michael, Abruzzi və Sucre-ni qaçış planına daxil etmək mövzusunda çətinliklər yaşayır. Leticia-nın ifadəsinə müraciət edən Veronica, daha sonra qadını itirir. Lincoln isə ailə üzvlərinin edamında iştirak edib-etməyəcəkləri barədə düşünür.

Özünü elektrikli stula doğru gedərkən gördüyü kabusdan tərləyərək oyanan Lincoln, edamına bir aydan az vaxt qaldığını anlayır. Michael qaçış üçün istifadə edə biləcəyi bəzi aşındırıcı kimyəvi maddələr əldə edib. Veronica isə araşdırmasında xeyli yol qət edir. Bu sırada Michael-a döyməsinin mənasını soruşan Haywire-ın içində, gənc adamın sualı cavabsız qoyması səbəbindən narahatlıq verən bir maraq oyanır.

Kellerman və Hale, Michael-ın başqa yerə köçürülməsini təmin etməyə çalışırlar. Pope-un ona köçürüləcəyini söyləməsi ilə bir anlıq çaşqınlıq keçirən Michael, cəld düşünərək Lincoln-un qardaşı olduğunu etiraf edir və ən azından edama qədər gözləmələrini istəyir. Michael planının ilk hissəsini işə salanda Lincoln, artıq ümidini kəsdiyi bir vaxtda onu yenidən həvəsləndirdiyi üçün qardaşını danlayır. Bu arada Veronica və Nick, Lincoln-u təmizə çıxaracaq bir video kaset üzərində işləyirlər.

Michael-ın bir az daha çox vaxt qazanmaq üçün həyata keçirdiyi hüceyrə blokunu bağlama hərəkəti, gözləmədiyi şəkildə böyüyür və bütün həbsxananı əhatə edən tammiqyaslı bir üsyana çevrilir. Nick, Veronica-nı ona həqiqətən kömək etmək istədiyinə inandırmağa çalışır. Digər tərəfdən Kellerman, Lincoln-u öldürməsi üçün məhbuslardan birinə pul ödəyir.

Həbsxanadakı üsyan zamanı Michael, Sara-nı çətinliklə Stroker-in əlindən xilas edir. Bu sırada Bellick, Pope-a qubernatorla danışması üçün meydan oxuyur. Veronica və Nick isə köstəbəyin açdığı telefonu izləmək üçün Washington D.C.-yə uçurlar.

Michael, içində gözətçilərin istirahət otağının olduğu bir binaya tunel qazmağın yollarını düşünür. Kellerman və Hale, Veronica və LJ-i öldürməyə cəhd edirlər. Digər tərəfdə T-Bag, Bob-un qətlində günahkar olmadığını iddia edir. Lakin bir cavabdeh tapılmalıdır.

T-Bag kölələrindən biri olan Cherry-ni itirir və dərhal başqasına, yeni hədəfi olan Tweener-a yönəlir. Kellerman və Hale ötən bölümdə qaçmağı bacaran LJ-i izləməyə davam edirlər. Bu sırada LJ kömək istəmək üçün Veronica-ya çatmağa çalışır. Abruzzi-nin qanqsterlərin tələblərinə cavab verməkdəki bacarıqsızlığı bütün qaçış planını riskə atır.

İşçi qrupunun nəzarətini yenidən ələ keçirmək və qaçış şanslarını artırmaq üçün Abruzzi, Michael-ı Fibonacci-ni harada tapa biləcəyini Falzone-a söyləməsi üçün razı salır. Digər tərəfdən Nick və Veronica, Steadman-in pulunun hara yoxa çıxdığını düşünərkən, vitse-prezident Kellerman və Hale-in yerinə keçməsi üçün FBI-dan köhnə bir dostunu gətirir.

Quinn; Nick, Veronica və LJ-i təhdid edir. Michael, qruplarının qaçışını tamamlamaq üçün nə qədər vaxta ehtiyacları olduğunu göstərən bir mexanizm hazırlayır. Və nəhayət, Westmoreland də qaçış komandasına qoşulmağı qəbul edir.

Lincoln-un plan gərəyi birinin geridə qalmalı olduğu barədə Michael-ı xəbərdar etməsi ilə qrup daxilindəki gərginlik artır. Michael isə tibb məntəqəsinə çatmaq planında böyük bir irəliləyiş əldə edir. Digər tərəfdən Abruzzi, T-Bag-i qrupdan ayrılmazsa öldürməklə hədələyir.

Lincoln-un edam tarixi yaxınlaşdığı üçün Michael qaçış planını artıq tətbiq etməyə qərar verir. Kellerman, Hale-i sakitləşdirir. Digər tərəfdən Veronica mətbuat vasitəsilə Lincoln-un günahsızlığını sübut edəcək bir sıra dəlilləri ortaya qoyur.

Lincoln-un edamını əngəlləmək üçün elektrikli stulu sıradan çıxarmağa çalışan Michael uğursuz olur. Veronica və Nick isə Terence Steadman-in cəsədinin yenidən araşdırılması üçün məzarın açılması əmrini çıxartdırmağa çalışırlar, lakin Lincoln üçün vaxt azalır.

Edam zamanı atasını gördüyünü zənn edən Lincoln, Terence Steadman-in məzarının açılıb cəsədin yenidən araşdırılması tələbinin hakim tərəfindən təsdiqlənməsi ilə iki həftəlik bir vaxt daha qazanır. Bu arada Michael da həbsxananın tibb məntəqəsinə çıxan yeni bir yol üzərində işləyir.

Serialın bu bölümündə keçmişə nəzər salınır; Michael, Lincoln, Sucre, C-Note və T-Bag-in Fox River Həbsxanasına necə düşdükləri göstərilir və Sara-nın orada işə başladığı ilk günlərə qayıdılır.

Hücrə həbsi ilə cəzalandırılan Michael orada təkbaşına ümidsizliyə qapılır. Mühafizəçilərin otağındakı qaçış dəliyi ilə məşğul olmaq vəzifəsi Sucre-a qalır. Bu arada LJ nəhayət Kellerman-ı tapır.

Michael psixiatriya şöbəsində olarkən, döyməsindəki çatışmayan hissəni xatırlamaq üçün Haywire ilə görüşür. Bu arada digərləri də Bellick-in Michael və Sucre-ın boşalmış hücrələrini hərraca çıxarmasına mane olmağa çalışırlar.

Michael revirin açarını ələ keçirməlidir və bunun üçün köhnə bir tanışın köməyi lazımdır. Digər tərəfdən, Lincoln onu qaçıranın kimliyini nəhayət öyrənir. Bu arada məhbuslardan biri daha qaçış planından xəbərdar olduqda işlər daha da qarışır.

Westmoreland, Michael-ın qaçış planını sürətləndirməsini istəyir. Planın üstünün açılması an məsələsidir. Digər tərəfdən, Michael Sara-nı da plana daxil edib-etməmək mövzusunda tərəddüd edir. Tweener-ın etibarlılığı və sədaqəti sınaqdan keçiriləcək. Bu arada Veronica onunla əməkdaşlıq edən şəxsin Fox River həbsxanası məhbuslarından biri ilə əlaqəsi olduğunu öyrənir.

Gözlənilən gecə gəlib çatır. Yüksəklikdəki teldən istifadə edərək qaçmaq üçün artıq hər kəs hazırdır. Digər tərəfdən, Veronica və Nick narahatdırlar. Bu arada Agent Kellerman görüşdən əvvəl sakitləşməsi üçün vitse-prezident Reynolds-a kömək edir.

Qaçış prosesi irəlilədikcə təhlükələr də onları gözləyir. Mühafizəçi Pope və Bellick qaçanları tutmaq üçün axtarışa başlayırlar. Bu arada Michael və digər məhbuslar təyyarəyə çatmalıdırlar və arxalarında polislər var. Veronica, Lincoln-un günahsızlığını sübut edə biləcək çox vacib bir dəlil ələ keçirir. Bu arada Reynolds da nüfuzunu itirməkdən qorxur.