Brüs Li və Jet Li-dən sonra Muay Tay döyüş sənətini yeni səviyyəyə qaldıran əfsanəvi Toni Ca və döyüş filmlərinin rejissoru Praçya Pinkaev "Mühafizəçi" filmində yenidən bir araya gəlirlər. Kham fillərlə birlikdə böyümüşdür. Fillər əzəmətli canlılardır. Onlar sülhsevərdirlər, lakin lazım gəldikdə döyüşə də hazırdırlar. Bir festival zamanı qəddar bir Asiya cinayətkar dəstəsi böyük bir fili və onun balasını oğurlayır. Onları Avstraliyanın Sidney şəhərinə aparırlar. Kham fillərini xilas etmək üçün heç tanımadığı bu yad ölkəyə – Avstraliyaya yollanır və hər çətinliyə baxmayaraq onları geri qaytarmağa çalışır. Onun yeganə silahı Muay Tay döyüş sənətindəki ustalığı və ona kömək edən, Tayland əsilli, nüfuzdan düşmüş bir polis məmurudur. Lakin qarşısındakı vəzifə demək olar ki, qeyri-mümkündür.