Saralmış bir qeyd dəftərindən nəql edilən və illər öncəyə dayanan bir eşq hekayəsi. 40-cı illərdə ABŞ-ın Şimali Karolina ştatındakı Seabrook sahil qəsəbəsinə gənc bir qız gəlir. Ailəsi ilə sakit bir yay keçirməyi xəyal edən Allie, karnavalda tanış olduğu Noah ilə yaxınlaşır. Noah onu gördüyü an həyatını birləşdirməli olduğu insanın o olduğunu anlayır. Gənc qız varlı bir ailədən gəlsə də, oğlan dəyirmanda işləyən bir fəhlə olsa da, gələcəyi düşünmədən yuxu kimi bir yay keçirir və bir-birinə dəlicəsinə aşiq olurlar. İkinci Dünya Müharibəsinin qızğın vaxtında həyat bu aşiq cütlüyü ayırır. Sevdiyi qızı bir an belə unutmayan Noah müharibədən qayıdır. Lakin Allie könüllü çalışdığı hərbi hospitalda tanış olduğu Lon ilə evlənmək üzrədir.