Gecə bitmək bilmir. Anadolu çöllərində saatlardır davam edən bir cinayət istintaqı hər kəsi yorub. Prokuror, komissar, jandarma və həkimdən ibarət bir qrup, Kənanla Ramazanın basdırdığı cəsədi axtarır. Kənan, Yaşarı basdırarkən sərxoş olduğunu, yalnız top kimi bir ağacı və bir çeşməni xatırladığını deyir. Cəsəd ya o təpənin arxasındadır, ya da bu təpənin... Enişli-yoxuşlu, ilan kimi qıvrılan yollarda iş uzandıqca uzanır. Avtomobil fənərlərinin titrək işığında quru otlar sovrulur, kölgələr böyüyür, qaranlıq addım-addım qatılaşır. Ərəb Əli həkimə yaxınlaşıb, "Uşaq-muşaq sahibi olanda danışmağa bir hekayən olar. Pisdir ki?" deyir. "Bir zamanlar Anadoluda, deyərsən, ucqar bir yerdə işləyərkən başımdan belə-belə hadisələr keçdi deyərsən. Danışarsan yəni, nağıl kimi."