Kiçik mədənçi qəsəbəsi olan Nova Socia böyük bir Sevgililər Günü şənliyinə hazırlaşır. Bu, 20 il ərzində qəsəbədə keçiriləcək ilk Sevgililər Günü şənliyi olacaq. 20 il əvvəl, sonuncu şənlik zamanı baş verən qəza nəticəsində mədən tunellərindəki partlayışda bir çox mədənçi həlak olmuşdu. Qəzaya səbəb isə təhlükəsizliyə cavabdeh olan şəxsin işini buraxıb şənliyə qatılması idi. Qəzadan sağ çıxan yeganə mədənçi Harry Warden sonradan ağlını itirərək şənlikdəki hər kəsi qətlə yetirmişdi. Ruhi xəstəxanaya aparılarkən Warden qəsəbə sakinlərinə bir daha Sevgililər Gününü qeyd etməmələri barədə xəbərdarlıq etmişdi. Lakin 20 il keçib və insanlar yenidən bu günü qeyd etməyə hazırlaşırlar. Lakin Harry Warden hələ də pusqudadır və ürək formalı hədiyyə qutularının içini qurbanlarının ürəkləri ilə doldurmağa qərarlıdır.