Əvvəllər gecə klublarında təkadamlıq komediya şouları göstərən Endi Kaufman (Jim Carrey) ilk dəfə "Saturday Night Live" televiziya şousunda tamaşaçı qarşısına çıxanda özünəməxsus qəribə tərzi ilə tanınmış menecer Corc Şapiro (Danny DeVito)-nun diqqətini çəkir. Şapironun köməyi ilə öz şousunu hazırlamağa başlayan Kaufman komediyada bilinən qəliblərdən kənara çıxır, əslində tamaşaçını güldürməkdən çox şoka salmağa çalışır. Hətta ən yaxınları belə Kaufman-ın harada rol oynayıb, harada gerçəyi yaşadığını anlaya bilmirlər. Bu gün belə tam dərk olunmayan bu "özünəməxsus" sənətçinin dəstəkçiləri arasında meneceri Şapirodan başqa dostu və rol yoldaşı Bob Zmuda (Paul Giamatti) və sevgilisi Linn Marqulis (Courtney Love) var idi.