Film, sevdiyi qız Jamie Palamino-dan (Amy Smart) uzaq dura bilməyən Chris Barender-in (Ryan Reynolds) hekayəsindən bəhs edir. Chris, Jamie ilə yalnız dost qalmağa razı olsa da, bir müddət sonra buna dözə bilməyib şəhəri tərk edir və başqa bir yerdə işə düzəlir. Həyatı boyu artıq çəkidən əziyyət çəkən qəhrəmanımız yeni şəhərdə özünə yeni bir həyat qurur; arıqlayır, karyera sahibi olur və qızların diqqət mərkəzinə düşür. Bir gün pop-ulduz sevgilisi Samantha James (Anna Faris) ilə doğma şəhərinə qayıdanda Jamie-yə olan hissləri yenidən alovlanır və köhnə dostuna təkrar aşiq olur. İndi qarşısında onu təsirləndirmək vəzifəsi durur, lakin qəhrəmanımız hər şeyi qarışdırmaqda gecikmir.