Qırmızı Papaq, Zoluşka, Rapunzel kimi bir çox klassik uşaq nağılının qəhrəmanları eyni filmdə və eyni meşədə qarşılaşsaydı nə baş verərdi? Qrimm qardaşlarının yaratdığı klassik obrazları fərqli bir üslubda təqdim edən "Sehrli Meşə" filmi, nağılların atmosferini musiqili janrla birləşdirərək ekranlara daşıyır. Bir cadugər tərəfindən lənətlənən çörəkçi və həyat yoldaşının hekayəsini klassik nağıllarla bağlayan film, övlad sahibi olmaq istəyən cütlüyün Sehrli Meşənin dərinliklərində cadugərin tələb etdiyi ləvazimatları toplamaq üçün keçdikləri macəralardan bəhs edir. Bu müddət ərzində çörəkçinin yolu Qrimm nağıllarının əsas qəhrəmanları ilə kəsişir.