Əjdahalar Berk adasını özlərinə məskən seçiblər. İllərlə amansız məxluqlar tərəfindən talan edilən bədbəxt adanın çarəsiz sakinləri üçün heyvanlarını oğurlayıb evlərini yandıran bu əjdahaları məhv etmək bir növ namus borcudur. Yetkinlik yaşına çatan gənc oğlanların etməli olduğu yeganə şey bir əjdahanı öldürməkdir. Vaxtı gəldikdə kənd başçısının qəribə oğlu Hiccup, icad etdiyi qəribə mexanizmli silahı bir məxluqa tuşlayaraq onu öldürməyə cəhd edir. Nadir bir növə aid olan bu əjdahanı öldürə bilməyən Hiccup, heyvanı meşəyə apararaq azad edir. Bundan sonra isə aralarında sədaqət və səmimiyyətə əsaslanan bir dostluq yaranır.