Çarli, çıxış etdiyi vodvil qrupu ilə müxtəlif turnelərə qatılaraq dolanışığını təmin edir. Anası Hannanın da yer aldığı bu qrupla Amerikaya turneyə gedərkən Mak Sennet tərəfindən kəşf edilir və onu dünya şöhrətinə qovuşduracaq səssiz kino sənayesinə ilk addımını atır. Şorlo rolu ilə dünya miqyasında məşhurlaşsa da, şəxsi həyatındakı çaxnaşmalar onu getdikcə daha çox yorur. Eyni zamanda, Amerikadakı gərgin siyasi atmosfer və Hollivuddakı kommunist ovu səbəbilə ölkəyə girişinin qadağan edilməsi həyatındakı çətinlikləri daha da artırır. Çaplinin Britaniyada kasıb bir ailədə başlayan uşaqlığından ölümündən dörd il əvvələ qədər olan dövrü əhatə edən film, Robert Dauni-kiçiyin möhtəşəm ifası ilə uğurlu bioqrafik ekran əsərləri arasında yerini tutur. Qeyd edək ki, Çaplinin anası Hanna rolunu onun öz qızı Ceraldin Çaplin canlandırıb.