Dünyanın bir nömrəli qadın tennisçisi Billi Cin Kinq ilə keçmiş çempion Bobbi Riqqs arasında 1973-cü ildə baş tutan tennis matçı tarixə “Cinslərin döyüşü” (Battle of the Sexes) kimi düşdü. Bu möhtəşəm qarşılaşma bütün zamanların ən çox izlənilən idman hadisəsi oldu. Dövrün ruhunu əks etdirən və gender bərabərsizliyi mövzusunu dünya gündəminə daşıyan bu matç, eyni zamanda feminist hərəkatına da təkan verdi. Medianın təzyiqi altında olan Kinq və Riqqs kortdan kənarda daha şəxsi və mürəkkəb problemlərlə mübarizə aparırdılar. Həyat yoldaşının dəstəyi ilə qurumlara qarşı bərabər ödəniş uğrunda mübarizə aparan Kinq, eyni zamanda öz cinsi kimliyi ilə bağlı daxili çəkişmələr yaşayırdı. Bu arada Riqqs də keçmiş şöhrətini və nüfuzunu bərpa etmək üçün özünü riskə atırdı. Billi və Bobbi birlikdə tennis kortlarından kənara çıxan və dünyanın dörd bir yanında qadın-kişi münasibətləri ilə bağlı müzakirələri alovlandıran mədəni bir şouya imza atdılar.