Universitetdə dərs deyən bioloq Lenanın (Natalie Portman) hərbçi həyat yoldaşı Keyn (Oscar Isaac) gizli bir tapşırıq üçün “Area X” adlı bölgəyə gedir və bir il sonra geri qayıdır. Lakin qayıtdıqda çox ağır vəziyyətdə olur və komaya düşür. Ərinin başına gələnlərin səbəbini öyrənmək istəyən Lena, “Area X”-də araşdırma aparacaq, yalnız qadınlardan ibarət ekspedisiya qrupuna könüllü qoşulur. Bioloq, psixoloq, təcili tibbi yardım texniki, geomorfoloq və fizikdən ibarət bu qrup, təbiət qanunlarının keçərsiz olduğu, tamamilə mutasiyaya uğramış bir əraziyə ayaq basacaqlar və onları nələrin gözlədiyi məlum deyil.