Clyde Shelton evinin soyulması zamanı həyat yoldaşını və qızını itirən dürüst bir ailə başçısıdır. Qatillər tutulduqda, iş Filadelfiyada uğurlu bir prokuror olan Nick Rice-a tapşırılır. Nick şübhəlilərdən birinə, digər cinayət ortağının əleyhinə ifadə verməsi müqabilində yüngül cəza təklif edir. On il keçir. Yüngül cəza ilə qurtulan qatil ölü tapılır və Clyde Shelton soyuqqanlılıqla cinayəti özünün törətdiyini etiraf edir. Daha sonra Nick-ə bir ultimatum verir: Nick qüsurlu ədalət sistemini düzəltməsə, Sheltonun həyat yoldaşı və qızının qətl işində iştirak edən əsas şəxslər öləcək. Çox keçmədən, Shelton təhdidlərini yerinə yetirməyə başlayır və həbsxanadakı kamerasından nə proqnozlaşdırılması, nə də qarşısının alınması mümkün olan möhtəşəm və amansız bir silsilə sui-qəsd təşkil edir. Filadelfiyanın tanınmış şəxsləri Shelton tərəfindən bir-bir öldürülərkən, səlahiyyətlilər bu terror dalğasına son qoya bilmədikləri üçün şəhərdə qorxu hökm sürməyə başlayır. Cinayətləri dayandıra biləcək yeganə şəxs Nick-dir.