Almaniyada yaşayan Əhməd bir müddət sonra İrana səfər edir. Orada onu köhnə dostları qarşılayır və birlikdə tətil planlaşdırırlar. Xəzər dənizi sahilində üç gün əylənməyi nəzərdə tuturlar. Tətili təşkil edən Sepideh bu səyahətə Elly-ni də dəvət edir. Əhməd Elly-ni tanımır, lakin Sepidehin məqsədi onları bir-birinə yaxınlaşdırmaqdır. Hər şey qaydasında gedir, ta ki ikinci gün Elly yoxa çıxana qədər. Həmin günün səhəri Tehrana qayıtmalı olduğunu deyən Elly necə yoxa çıxa bilərdi? Bu andan etibarən bəzi yalanlar üzə çıxır və yalanın hadisələrin gedişatını necə dəyişə bildiyi gözlər önünə sərilir.