James Caan

Ceyms Edmund Kaan (26 mart 1940 – 6 iyul 2022) dörd "Qızıl Qlobus", bir "Emmi" və bir "Oskar" da daxil olmaqla, bir çox mükafata namizəd göstərilmiş amerikalı aktyor idi. Kaan 1978-ci ildə Hollivud Şöhrət Xiyabanında kino ulduzu ilə mükafatlandırılıb. Hovard Houksun "El Dorado" (1966), Robert Altmanın "Countdown" (1967) və Frensis Ford Koppolanın "The Rain People" (1969) filmlərindəki ilk rollarından sonra, "Ən yaxşı ikinci plan kişi roluna görə" Akademiya mükafatına və "Ən yaxşı ikinci plan kişi roluna görə" "Qızıl Qlobus" mükafatına namizəd göstərildiyi "The Godfather" (1972) filmindəki Sonni Korleone rolu ilə məşhurlaşdı. O, Sonni Korleone rolunu "The Godfather Part II" (1974) filmində epizodik çıxışla təkrar canlandırdı. Kaanın "Brian's Song" (1971), "Cinderella Liberty" (1973), "The Gambler" (1974), "Rollerball" (1975), "A Bridge Too Far" (1977) və Alan C. Pakulanın "Comes a Horseman" (1978) kimi filmlərdə mühüm rolları olub. 1980-ci illərdən etibarən ara-sıra filmlərdə rol alan aktyor "Thief" (1981), "Gardens of Stone" (1987), "Misery" (1990), "Dick Tracy" (1990), "Bottle Rocket" (1996), "The Yards" (2000), "Dogville" (2003) və "Elf" (2003) kimi əhəmiyyətli filmlərdə oynamışdır.