Neal McDonough

Nil Makdona London Dramatik İncəsənət və Elmlər Akademiyasında təhsil alıb. Onun teatr sahəsindəki işlərinə "Cheap Talk", "Foreigner", "As You Like It", "Rivals", "A Midsummer Night's Dream", "Bald Soprano" və "Waiting for Lefty" daxildir. Gənc aktyor 1991-ci ildə "Away Alone" tamaşasındakı roluna görə "Dramalogue" mükafatının "Ən yaxşı aktyor" nominasiyasının qalibi olub. Makdona uşaqlıqdan "Star Trek"in pərəstişkarı olub. "Star Trek First Contact" filmində leytenant Hok obrazını canlandırmaq onun ömürlük arzusu idi. Makdonanın yataq otağının divarında üç şəkil var. Biri anasının, digəri Müqəddəs Məryəm ananın, üçüncüsü isə kapitan Kirk rolunda Uilyam Şetnerin şəklidir. O, "NYPD Blue", "Quantum Leap" kimi bir çox televiziya layihələrində rol alıb, həmçinin "The Incredible Hulk" animasiya serialında Brüs Banner obrazını səsləndirib. O, 1988-ci ildə Sirakuz Universitetini incəsənət bakalavrı dərəcəsi ilə bitirib.