Hekayə planetdəki demək olar ki, bütün insanları məhv edən qlobal istiləşmənin qarşısını almaq üçün aparılan uğursuz sınaq nəticəsində yaranan buz dövründə cərəyan edir. Sağ qalan insanlar Snowpiercer adlı qatarda yaşayırlar. Bu insanlar eyni zamanda qatarda tətbiq olunan sinfi sistemlə də mübarizə aparırlar. Filmlə bağlı kifayət qədər aydınlaşdırıcı məlumatlar verilib. Filmin arxasında koreyalı ssenarist/rejissor Bong Joon-ho dayanır. Bong son iki filmi Mother və The Host-da nə qədər istedadlı olduğunu sübut etdi. İlk ingilisdilli filmi olacaq Snowpiercer üçün seçdiyi aktyor heyəti də möhtəşəm görünür: Chris Evans, Song Kangho, Tilda Swinton, Jamie Bell, Octavia Spencer, Ewen Bremner, Alison Pill, John Hurt və Ed Harris...