Harry Potter filmlərindən tanıdığımız Daniel Radcliffe-in baş rolda olduğu bu film, Stephen King-in oğlu Joe Hill-in romanı əsasında ekranlaşdırılıb. Ig Perrish bir səhər içki axşamından qalma vəziyyətdə oyanır. Sevgilisi Merrin Williams isə zorlanaraq vəhşicəsinə qətlə yetirilib. Ətrafındakı hər kəs Ig-i günahlandırır. Bu hadisədən sonra o, hər kəsdən uzaqlaşaraq şəhər kənarında yaşamağa başlayır. Yenə içki axşamından qalma bir səhər oyananda başında buynuzların çıxdığını görür. O, bu yeni qabiliyyətindən şəhər sakinlərinin ən dərin sirlərini öyrənmək və sevdiyi qadını kimin öldürdüyünü tapmaq üçün istifadə edir.