Əgər Tanrı ilə Onun sevimli bəndələri arasındakı qeyri-adi münasibətin 2003-cü ildə Bruce Nolanın hekayəsi ilə bitdiyini düşünürsünüzsə, yanılırsınız. Macəra ilk filmdən özündənrazı jurnalist kimi tanıdığımız Evanın hekayəsi ilə davam edir. Jurnalistlikdən uzaqlaşıb siyasətə atılan Evan bu yolda bütün həyatını dəyişib. O, evini Buffalodan Virciniyaya köçürüb və özünə yeni bir mühit qurub. Lakin bir gün gözlənilməz bir qonağın gəlişi ilə həyatı maraqlı bir axara düşür. Tanrı insan cildində qarşısına çıxaraq Evandan Nuhun gəmisinin bənzərini tikməsini istəyir. Bu qəribə istəkdən sonra işə girişən Evanın qəribə davranışları, ilk növbədə ailəsi olmaqla, hər kəsin diqqətini çəkir.