Kollec tələbəsi Kyun-woo bir axşam evə qayıdarkən metroda çox gözəl, lakin bir o qədər də sərxoş bir qızla rastlaşır. Qız platformanın kənarında çətinliklə dayandığı üçün Kyun-woo onu qatarın altına düşməkdən xilas edir. Mindikləri qatarda qız huşunu itirməzdən əvvəl Kyun-woo-ya nəsə dediyi üçün sərnişinlər onun qızın sevgilisi olduğunu düşünürlər. İnsanların qınayıcı baxışları qarşısında Kyun-woo qızın məsuliyyətini öz üzərinə götürməli və onu bir motelin otağına qədər aparmalı olur. Zavallı, sadəlövh bir gənc ilə xəstə dərəcədə qeyri-sabit bir qızın absurd macəraları. Qız xoşagəlməzdir; tez-tez oğlanı şillələyir, alçaldır və gülünc vəziyyətlərə salır; oğlan isə iradəsizdir; hər şeyə dözərək münasibəti davam etdirir. Gülməlidirmi? Xeyr. Romantikdirmi? O da xeyr.