Fantasia Barrino

Fantasia Monique Barrino (30 iyun 1984-cü ildə anadan olub), daha çox Fantasia kimi tanınan, 2004-cü ildə American Idol realiti-şousunun üçüncü mövsümünün qalibi olduqdan sonra şöhrət qazanan amerikalı R&B müğənnisi, Broadway və televiziya aktrisasıdır. Qələbəsindən sonra o, Billboard Hot 100 siyahısında birinci pillədən debüt edən ilk sinqlı “I Believe”i yayımladı. Daha sonra RIAA tərəfindən Platin sertifikatına layiq görülən və 2006-cı ildə Barrinoya üç Grammy nominasiya qazandıran ilk albomu Free Yourself işıq üzü gördü. Onun mükafatları arasında iki Billboard Music Award və bir Grammy Award, həmçinin Golden Globe Award, BAFTA Award və üç American Music Award nominasiyası var. 2006-cı ildə o, “When I See U” sinqlının yer aldığı ikinci albomu Fantasia-nı yayımladı. Həmin mahnı Billboard Hot R&B/Hip-Hop Songs siyahısında səkkiz həftə ərzində birinci yerdə qərarlaşdı. Albom RIAA tərəfindən Qızıl sertifikatına layiq görüldü və 2008-ci ildə üç Grammy nominasiyası qazandı. Daha sonra o, Broadway musiqili The Color Purple-da Celie rolunu canlandırdı və bu ifasına görə 2007-ci ildə Theatre World Award mükafatını qazandı. Onun üçüncü studiya albomu Back to Me 24 avqust 2010-cu ildə dünya üzrə yayımlandı və R&B siyahısında ilk onluğa yüksələn “Bittersweet” sinqlını ehtiva edirdi. Bu sinql ona Ən yaxşı qadın R&B vokal ifasına görə Grammy Award qazandırdı.