Rizvan Khan uşaqlığını anası ilə keçirmiş hindistanlı bir müsəlmandır. Anası vəfat etdikdən sonra Amerikaya, kiçik qardaşının yanına gedir. Orada tanış olub aşiq olduğu Mandira adlı dul bir hind qadınla evlənir. Rizvan Khan eyni zamanda Asperger sindromundan əziyyət çəkir. Bu xəstəlik autizmin bir növü olub, ömür boyu davam edən, sosial ünsiyyətə mane olan, məhdud və təkrarlanan davranışlara yol açan, beynin inkişafına təsir edən bir pozuntudur. 11 Sentyabr terror hadisələrindən sonra Mandiranın oğlu irqçi qruplar tərəfindən döyülərək öldürülür. Öldürülməsinə səbəb isə anası evləndikdən sonra Khan soyadını daşımaları olur. Bundan sonra Mandira Rizvanı tərk edir və getməsini istəyir. Rizvan nə vaxt geri qayıda biləcəyini soruşduqda, Mandira ona ABŞ prezidentinin yanına gedib adının Khan olduğunu, lakin terrorçu olmadığını izah etməsini və ancaq bundan sonra geri gəlməsini söyləyir.