Pol (Ezra Godden) və gözəl sevgilisi Barbara (Raquel Meroño) internet şirkətlərinin böyük uğurunu qeyd etmək üçün onlara maliyyə dəstəyi verən milyonçu Hovard (Brendan Price) və onun dəbli sevgilisi Viki (Birgit Bofarull) ilə birlikdə İspaniya sahillərində yaxta ilə gəzintiyə çıxırlar. Əyləncəli başlayan səyahət, yaxtanın qayaya çırpılıb aşması ilə əsl kabusa çevrilir. Viki aşmış gəminin içində sıxılıb qalır, Pol və Barbara isə kömək tapmaq üçün yaxınlıqdakı kiçik bir balıqçı kəndinə gedirlər. Kənddə hər kəs evlərinə qapanıb gələn qonaqlardan qaçır. Çox çətinliklə də olsa, Pol iki kəndlini razı salıb batmaqda olan gəmiyə qayıdır, lakin Hovard və Vikinin yoxa çıxdığını görürlər. Barbara da qaçırıldıqdan sonra tək qalan Pol kənddə araşdırmalara başlayır...