1960-cı illərdə ruhi xəstəxanaya yerləşdirilən gənc bir qadının hekayəsindən bəhs edən "The Ward – Koğuş", qorxu filmləri ustası John Carpenter-in 10 illik fasilədən sonra çəkdiyi ilk filmdir. Gözəl, lakin problemli bir gənc xanım olan Kristen (Amber Heard) özünü bədəni kəsik və yaralar içində tapır. Narkotik maddənin təsiri altında huşsuz vəziyyətdə olan Kristen uzaq bir ruhi xəstəxanaya aparılır. Ağlını tamamilə itirmiş vəziyyətdə xəstəxanaya qəbul edilən gənc qadının bura niyə gətirildiyinə dair ən kiçik bir fikri belə yoxdur. Keçmişi ilə bağlı heç nə xatırlamır. Əmin olduğu tək şey isə burada təhlükəsiz olmadığıdır.