Yeni bir başlanğıc axtaran, təzəcə boşanmış Sara (Elisabeth Shue) və qızı Elissa (Jennifer Lawrence) kiçik, sakit və ucqar bir qəsəbədə xəyallarındakı evi tapırlar. Gözlənilməz və izaholunmaz hadisələr baş verməyə başlayanda, Sara və Elissa qəsəbənin dəhşətli bir sirrin kölgəsində qaldığını kəşf edirlər. İllər əvvəl qonşu evdə bir qız uşağı ailəsini yuxuda ikən qətlə yetirib yoxa çıxmış, geridə isə tək sağ qalan qardaşı Rayanı (Max Thieriot) buraxmışdı. Elissa, Saranın etirazlarına baxmayaraq, qapalı həyat tərzi keçirən Rayanla yaxınlaşmağa başlayır və onlar bir-birinə bağlandıqca, təsəvvür etdiklərindən daha böyük bir sirrin içinə sürüklənirlər...