Ronald Harwood

Ser Ronald Harwood CBE FRSL (əsl soyadı Horwitz; 9 noyabr 1934 – 8 sentyabr 2020) Cənubi Afrika əsilli britaniyalı yazıçı, dramaturq və ssenarist idi. O, daha çox Britaniya səhnəsi üçün yazdığı pyesləri, həmçinin "The Dresser" (buna görə "Oskar"a namizəd olmuşdur) və 2003-cü ildə "Ən yaxşı uyğunlaşdırılmış ssenari" nominasiyasında "Oskar" mükafatını qazandığı "The Pianist" filminin ssenariləri ilə tanınır. O, həmçinin "The Diving Bell and the Butterfly" (2007) filmi ilə "Ən yaxşı uyğunlaşdırılmış ssenari" nominasiyasında "Oskar"a namizəd göstərilmişdir.